有一個秘密
貓奴一直沒有跟大家講清楚
其實...
貓奴除了有兩個貓兒子外
還有一個人類兒子

蝦子餅也來影一張全家福吧!!

好一個幸福的家庭啊!!
兒子的樣子跟我們似不似呢??

今次又俾白雪BLOG TAG炸到，希望今次唔好咁邪，寫到一半嚟HANG機
好啦~ 開始寫啦~

1) 第一日踏入你要入讀的中學，見到什麼令你最難忘？
第一日踏入我讀的中學係註冊果日，當日矮小的我，要從輕鐵站行到學校大門，又要上天橋，又要係沙塵滾滾的青山公路行，真係行到腳仔軟，一踏入校門，就睇到校門旁的妙法寺，嘩!!! 大殿的柱有兩條金龍圍住條柱啊!!!嘩好驚啊!!!!之後就有師姐講鬼怪野，話果兩條金龍夜晚會飛，記得唔好咁夜先離開學校啊!!

2) 中一係拎個咩樣書包？
呢條問題有D難度... 窮等人家的我無錢買貴書包，加上佛寺女校，個個中一新生都係剪冬菇頭，無飾物，書包應該係黑色無LOGO果隻。

3) 中一的班主任還記得叫什麼名字，教你什麼科目嗎？
我只係記得係MISS CHAN，教我班的英文，其實主要教的係音樂，不過唔係教我個班啊!!不過記得個LOOK跟春田花花幼稚園的MISS CHAN個樣差不多。

4) 還記得第一個主動跟你結識的同學是誰嗎？現在還有聯絡嗎？
唔記得囉... 好似我地一大班女仔BE NI BA LA咁，你一言我一語，一次過熟晒。
之但係貓奴唔鍾意跟同齡的人玩，貓奴鍾意老餅，所以無乜聯絡啦! 只係同中三識的女朋友仲有聯絡，佢都嫁咗俾鬼佬，移民咗去澳洲囉，貓奴仲做佢伴娘~

5) 中一時參加了什麼課外活動，對你日後有大影響嗎？
想講唔係同白雪有緣都唔得!! 因為我都係俾班主任MISS CHAN同另一個音樂老師MISS HUI「的」咗入CHOIR~ 我地學校的CHOIR好出名架!! 所以無論放學又要練習、LUNCH TIME又要練習、比賽前仲可以唔洗上堂，幾日都只係練習。可能係咁，無時間去玩，無得學壞。嘩卡卡卡!!!

YO!!! 今次好順利寫完啦!!! 嘩卡卡卡~

貓奴近期腦閉塞
沒有拍照  也沒有寫BLOG的新題材
為了刺激一下思維
翻閱了舊短片及相片
原來小時候的藍藍跟現在的樣子差很遠

藍藍眼形是可憐的D字眼~

藍藍的眼睫毛好長啊!!! 真像女孩子~

藍藍：
今日我想跟大家表演一下

貓奴上星期去澳門
除咗飲飲食食外
另一個主要的任務是探好朋友Fanny的貓貓

這個有雪白肌膚的貓少爺就是百厭仔!
簡直英偉不凡  玉樹臨風

長長的披毛迎(冷氣)風飄揚  真的電死了貓奴
 
貓奴：百厭仔大少爺~ 你為何愁眉苦臉啊?

突然被白雪tag了
想寫但波折重重
由知道要"接波"的一刻就開始寫
不過寫咗3句  ie就hang 咗!!! (死人vista)
之後都係打了標題  選了話題
就會因為"發條藤"按錯按鈕
返到公司想開個頭寫兩句啦~
突然阿頭出現於眼前  叫我跟進一些工作
唉~ 又按咗ie右上角"x"
激死!!
今晚又被vista的慢反應影響  加上自己的手太快
又按錯按鈕!!!
一大篇啊!!!就咁唔見咗!!!
第五次寫啦!!
唔好再有問題啦!!!
可能係我的報應
貓奴一直是chain letter killer
所有chain letter  e-mail 根本不會就我處流走
不過這個BLOG TAG嘛... 貓奴又真係好想好想寫啊!!
『最討厭的電話鈴聲』(呢句是我的口頭禪)
就是... 我阿頭的電話鈴聲  - BOLLYWOOD音樂
可能我比較怕嘈，一直好怕又大聲又嘈的音樂電話鈴聲，不過講得到最討厭又真係我阿頭的電話鈴聲 ，可能係慣性打工仔心態，唔鍾意上司而討厭佢所有的嘢，佢的電話係我聽覺範圍響起的話，都會自自然然"嘴蔑蔑"。
其實間中響一下無問題，但係佢個電話經常不停咁響，D奪命追魂會每時每刻響起，最離譜的是於開會期間，電話唔校到靜音不特止，電話一響就閃身出咗去!
喂喂喂!!! 你係最高話事人啊! 你訓話緊架!!
BOLLYWOOD音樂一響  佢心神就會不定  眼神左飄右飛  話閃就閃!
要成村人等佢一個!
你地話我想唔討厭BOLLYWOOD音樂都唔得啦!!

其實我仲有寫另一個討厭的電話鈴聲  不過又再一次發生傳送的意外
唔通整定我唔可以再寫我阿頭的衰野???
好邪啊!! 咁邪... 唔tag人啦!!!
朋友們想寫的話  就自己送上門啦!!!

百物騰貴
無論衣食住行樣樣都加價
因為蝦子餅是返夜班的關係
貓奴平常每晚都是自己一個人食晚飯
出街食是理所然的
但晚晚出街食真係好貴
學「惠康」廣告內小妹妹的名句：
「慳得一蚊得一蚊」(廣告短片請按此)
貓奴今日是第一次煮一人份量的晚飯
「菜甫蛋配醬青瓜」
幾好味~
順便post星期日包的西芹豬肉水餃

味道都唔錯

貓奴星期三&四去澳門行番兩日
兩日的活動就是幫襯下威尼斯人賭場的角子老虎機外
就是不停食食食
一整日都無停過口
光顧了五間餐廳  零食又一包包
貓奴真係非常嚵嘴 (一邊打文章  一邊食杏仁餅)
但是怎樣說也比不上蝦子餅
蝦子餅去親澳門都指明一定要食萄國菜
今次行程就去咗「公雞」  還有「亞利咖喱屋」
在「亞利咖喱屋」用膳時
蝦子餅嚵嘴又搞笑的一面完全呈現

搞笑的「道具」是美味的烤豬手
豬手肉不用一會就被幹掉了!
蝦子餅眼見無肉可食了
便轉攻豬手骨

啜骨邊的肉

咬啊!!
食得肉緊兼搞笑  要感受一下　請看短片

床上的藍藍

比美女更吸引
除了藍藍有美貌
還有一流的按摩手藝

藍藍真的很清楚貓奴這個老主顧需要推肥的情況
每一下都對準貓奴有肥肉的部位
務求令貓奴身上的脂肪被推走!

還一邊按一邊交足享受的表情
按摩女郎都不夠他專業
按摩牛郎  每早隨時為大家提供服務
大家需要預約嗎?

貓奴家一直是陽盛陰衰
一家四口只有貓奴是女生
蝦子餅加兩位少爺
一屋男人
有時貓奴有女兒家的心事想傾訴一下  家中都苦無對象
貓奴心裡想：『如果家中有女生就好了!』
可能上天聽到貓奴心中的願望
特意派遣一心想征服世界的Kidad王為貓奴陽盛陰衰的家庭生活帶來一點新希望
Kidad王為貓奴家帶來一個嬌艷欲滴的美人兒
(嘩~ 迪迪尼式美女啊!!! 美艷動人!!)

藍藍公主：你好!! 我是白雪公主的親戚~ 藍藍公主啊!!

貓奴經Kidad王的指點下
為自己家中帶來另一個美人兒

時尚bob頭女郎：hi!! 我是Miss Cup Cake!!
髮式竟然跟貓奴一模一樣啊!!!
太好了!!!
貓奴終於有女兒了!! 呵呵~
如果大家想家中增添女生的話，可以去：http://www.taaz.com/試一下